निषेध - सोशल मीडियावर एक वादग्रस्त पुस्तकाबद्दल संताप व्यक्त केला जात आहे.

निषेध - सोशल मीडियावर एक वादग्रस्त पुस्तकाबद्दल संताप व्यक्त केला जात आहे. या पुस्तकाचं नावं ‘आज के शिवाजी – नरेंद्र मोदी’ असं असून या पुस्तकाचे प्रकाशन दिल्लीतील भाजपाच्या कार्यालयात करण्यात आलं आहे. या पुस्तकात पंतप्रधान नरेंद्र मोदी यांची तुलना छत्रपती शिवाजी महाराजांशी करण्यात आल्याचं समोर आलं आहे. या पुस्तकामुळे वाद निर्माण झाला आहे. याशिवाय पुस्तकावर बंदी घालण्याची मागणी सोशल मीडियावर केली जात आहे. छत्रपती शिवाजी महाराज एकमेवाद्वितीय आहेत. त्यांच्याशी तुलना होणारा माणूस अजून जन्माला आलेला नाही आणि येणारही नाही, अशी भावना सोशल मीडियावरून व्यक्त केली जात आहे.*